«Женоа» ярим ҳимоячиси Доменико Кришито жамоа ҳужумчиси Элдор Шомуродовнинг ўйини ва А Серияга мослашув жараёни ҳақида гапирди.

"У жуда ажойиб. Аввалига у уятчан йигит бўлиб туюлди, аммо тезда совуққонлик намойиш этиб, асосий таркибда ўз ўрнига эга бўла олди. Шомуродов ҳам ўйин жиҳатдан, ҳам майдон ташқарисидаги ҳаракатлари билан мени ҳайратда қолдирди. У кучли ва жамоа учун жуда фойдали футболчи, курашларда ўзини аямайди ва жуда катта миқдордаги ишни бажаради. Шу билан бирга у оз бўлса-да, итальянча гапиришни бошлади. Браво!", — деди Доменико Кришито.

2020 йилнинг октябрь ойида «Ростов»дан «Женоа»га ўтган Элдор Шомуродов генуяликлар таркибида 15 та ўйин ўтказиб, 2 та гол ва 2 та голли узатмага муаллифлик қилди.

«Женоа» 20-турдан кейин 21 очко билан 14-ўринда бормоқда, «грифонлар» кейинги тур ўйинини 6 февраль куни «Наполи»га қарши ўтказади.