Мадриднинг "Атлетико" ҳужумчиси Луис Суарес "матрасчилар" сафига кўникиш жараёни ҳақида фикр билдирди.
"Тўғриси, менга бу ер жуда ҳам қулай. Лекин, мен бундай даражада ўйнашимга ишонмагандим.
Симеоне - футболчиларни ўзларининг менталитетлари билан ишонтира оладиган мураббийдир. У гарчи мени кучли футболчилардан бири деб ҳисобламаган бўлса-да, у менинг маҳоратимга ишонишини айтганди. Мен бу учун ундан миннатдорман.
"Атлетико"нинг қандай ўйин намойиш этиши мени ташвишлантирмади. Агар мен мураббий фалсафини яхши ўзлаштира олсам, янги жамоага осон мослашиб кетишимга Уругвай ва "Ливерпуль"да ўйнаб юрган пайтларимда билганман", - деди Суарес.
Суарес жорий мавсум "Атлетико" сафида 16та ўйинда майдонга тушиб, 14 та гол киритди ва 2 та голга ассистентлик қилди.
