Клублар ўртасидаги Жаҳон чемпионатининг иккинчи ярим финали 8 февраль, душанба куни «Ал-Аҳли» ва «Бавария» клублари ўртасида бўлиб ўтди.

Учрашувнинг 17-дақиқасида Роберт Левандовски ҳисобни очди. 85-дақиқада польшалик футболчи дубль қайд этиб, «Бавария»нинг ғалабасини мустаҳкамлади.

Мусобақа финалида немис клубини Мексиканинг «Тигрес» жамоаси кутиб турибди. Финал учрашуви 11 февраль куни бўлиб ўтади. «Тигрес»га мағлуб бўлган «Палмейрас» эса «Ал-Аҳли» билан учинчи ўрин учун кураш олиб боради.

Клублар ўртасидаги ЖЧ—2020, Ярим финал
8 февраль, душанба
«Ал-Аҳли» (Миср) — «Бавария» (Германия) 0:2
Голлар: 0:1 – 17 Левандовски, 0:2 – 85 Левандовски.
«Ал-Аҳли»: Аш-Шенави, Ашраф, Маалул (ал-Ҳанафи, 28), Банун, Магди Кафша (Диэнг, 70), Қаҳрабо (Буаля, 69), аш-Шаҳаат (Муҳсин, 69), Ҳаний, Мустафо (Шериф, 83), Ас-Соулиа, Фатҳий.
«Бавария»: Нойер, Павар, Боатенг (Зюле, 77), Алаба, Дэвис, Гнабри (Сане, 62), Киммих, Коман (Мусиала, 78), Рока (Толиссо, 69), Мюллер (Шупо-Мотинг, 62), Левандовски.