“Рома” бош мураббийи Луис Энрике жамоа ярим ҳимоячиси Даниэл де Россининг шартномаси муддатини узайтирилишига шубҳа қилмаслигини айтиб ўтди.

- Фақат пул ҳақида ўйламайдиган ва ўз вазифасини аъло даражада уддалайдиган футболчилар кўп, - деди мураббий Football Italia нашрига берган интервьюсида , - ҳақиқий римлик учун “Рома” қандай аҳамиятга эга эканини жуда яхши биламан. У биз билан қолади, чунки у шуни истайди. Де Росси каби савияли ўйинчиларни кетиб қолишига йўл қўймаслик керак. Уни кетишига ишонмайман, чунки деярли ҳар куни машғулотларда унинг кулиб турганини кўряпман.

Эслатиб ўтамиз, Даниэле де Россининг шартнома муддати шу йилнинг ёзида ниҳоясига етади.