Клублар ўртасидаги жаҳон чемпионати ҳар йили ўз қитъаси чемпионлари ва бир мезбон жамоа иштирокида бўлиб ўтади. Турнирда қайси қитъа вакиллари ёки қайси давлат клублари кўпроқ соврин ютган? Ҳозир, мана шу саволга жавоб оламиз!
Ушбу чемпионат ҳозирги вақтгача 16 бор ўтказилган. Ушбу мусобақани қабул қилиш бўйича рекорд Японияга тегишли, 8та. БАА 4 маротаба мезбонлик қилган бўлса, Марокашда 2 марта ўтказилган. Шунингдек, бу бахтга Бразилия ва Қатар давлатлари 1 бор муяссар бўлган. Эслатиб ўтамиз, айни дамда Қатарда ушбу турнир иккинчи бор ўтказилмоқда.
Чемпионатда энг кўп Eвропа клублари ғалаба қозонган. Улар 12 бор турнирда зафар қучган бўлса, Жанубий Америка қитъаси вакиллари 4 бор ушбу турнир кубогини бошлари узра баланд кўтарган. Қолган қитъа вакиллари эса ҳозирча чемпионликни нишонламаган.
Чемпионлик борасида Испания клублари яққол пешқадам. Испан клублари 7 бора бу совринни қўлга киритган. Бразилия вакиллари 4 марта ушбу турнирда зафар қучган бўлса, Англия ва Италия жамоалари 2 мартадан ушбу совринга эгалик қилган. Германиядан ушбу турнирда ягона чемпион "Бавария" ҳисобланади. Мюнхеликлар бугун навбатдаги финалда майдонга тушишади.
Кумуш медаллар борасида Конмебол жамоалари яққол пешқадам. Улар 9 маротаба финалларда мағлуб бўлган. Кўҳна қитъа жамоалари эса 3 марта кумуш медални қўлга киритган. Конкакаф ва Осиё жамоалари 2 бор финалга етиб келиб, мағлуб бўлган.
Осиё жамоалари бронза медаллар масаласида етакчи ҳисобланади. Улар 6 маротаба 3-ўринни банд қилган. Конкакаф жамоалари 5 марта бронза медални қўлга киритган. Конмебол эса 3 бор 3-ўринга лойиқ кўрилган. Фақат бир бора Океания жамоаси бронза медални қўлга киритган.
Мана шу натижалар ҳам аслида қайси қитъада клублар футболи қай даражада эканлигини кўрсатиб беради. Шундай экан, клублар футболи бўйича натижаларга қараб рейтинг тузадиган бўлсак, қуйидагича тартибда жойлаштирсак бўлади.
1.Европа
2.Конкакаф
3.Осиё
4. Конкакаф
5. Океания
6. Африка
Худайқулов КАРИМ
