Испаниянинг машҳур Маrcа нашри Испания кубогининг биринчи ярим финал учрашувидаги футболчиларнинг кўрсатган ўйинларини баҳолади.

Бироз ажабланарли томони эса, “Барселона“ ҳимоячиси Самуэль Умтити умуман баҳоланмади. Француз футболчиси биринчи голнинг урулишида рақиб футболчилари томонидан доғда қолдирилди.

Шунингдек, иккинчи голда ҳам хатога йўл қўйди ва 90-дақиқада алмаштирилди. Одатда, футболчиларга баҳо қўйилмаслиги уларнинг муваффақиятсиз ўйинига боғлиқ бўлади.

“Барса“ таркибида Лионель Месси, Усман Дембеле ва Френки де Йонглар яхши кўрсатгич (иккита юлдуз)га эга бўлдилар.

Яна бир ҳужумчи Антуан Гризманн қониқарли кўрсатгич (битта юлдуз) қайд этди. “Севилья“ ҳимоячиси Жюль Кунде ва ярим ҳимоячи Жоан Жорданалар эса энг яхши (учта юлдуз)га лойиқ топилди.