"Бир неча кун олдин сайтимизда Зарафшоннинг “Қизилқум” жамоаси Равшан Ҳайдаровни клуб бош мураббийлигига таклиф этгани ҳақида хабар бергандик. Олий лига 2012 да иштирок этиши аниқ бўлган жамоани бу мавсумда Равшан Ҳайдаров бошқаради", - деб хабар бемоқда championat.uz портали.
Янги жамоада "Пахтакор"нинг собиқ мураббийига Владимир Андреев ва Алексей Евстафеевлар ёрдам беришади. Владимир Андреев бир неча йил давомида “Пахтакор”да Равшан Ҳайдаров билан бирга ишлаган. Евстафеевнинг Ўзбекистон ўсмирлар терма жамоаси Мексикада ўтган Жаҳон чемпионатида кучли саккизликка кира олганди.
Яқинда Евстафеев мамлакатимизнинг 1991 йилдан кейин туғилган ёшлари терма жамоасига бош мураббий этиб тайинланганди. Демак, ёшлар терма жамоаси мураббийи иккала жойдаги ишни бирга олиб боради.
