УЕФА вакили Андреас Шар танланган 12 шаҳарларнинг барчаси европа чемпионати ўйинларини ўтказишга тайёрлиги ҳақида гапирди.
“Мен мусобақа бўлиб ўтишини тасдиқламоқчиман, чунки мен ва менинг жамоам Санкт-Петербургда бўлиб, мусобақага барча 12 шаҳар мезбонлик қилади деб юқори даражадаги ишонч билан айтишим мумкин. Биз доимий равишда мавжуд вазиятни кузатиб борамиз“- дейди УЕФА вакили.
Эслатиб ўтқмиз, коронавирус пандемияси туфайли Евро-2020 2021 йилга қолдирилган эди. Шу билан бирга, УЕФА мусобақа номини ўзгартирмасликка қарор қилди. Дастлаб, европа чемпионати 12 шаҳарда, Санкт-Петербург, Лондон, Мюнхен, Боку, Рим, Бухарест, Копенгаген, Амстердам, Билбао, Глазго, Будапешт ва Дублинда ўтказилиши режалаштирилган эди.
