"Пахтакор" ҳужумчиси Игорь Сергеев фаолиятини Қозоғистон чемпионатида давом эттириши мумкин. Ўзбекистонлик футболчининг агентлари ҳозирда "Астана" клуби билан музокара олиб бормоқда. Бу ҳақда vesti.kz'га асосланиб Stadion.uz хабар тарқатди.
Манбага кўра, пойтахт клуби "Лудогорец"га трансфер қилинган кипрлик ҳужумчи Пиероса Сотириунинг ўрнига Сергеевни олиб келишмоқчи. Игорнинг ўзи ҳам Қозоғистон премьер-лигасида тўп тепишга қарши эмас. "Астана" эса мамлакатнинг амалдаги чемпиони сифатида еврокубокларда иштирок этиш ҳуқуқини қўлга киритган.
Ўзбекистонлик футболчи "Пахтакор" билан бир йиллик шартнома борлигига қарамай, у "Астана"га бепул ўтади. Ҳозирда музокаралар якунланиш арафасида. Transfermarkt Сергеевни 1,5 миллион еврога баҳолаган.