“Спортинг“нинг 18 ёшли ҳужумчиси Тьягу Томаш Лондоннинг “Арсенал“ жамоаси қизиқишлари доирасида. Ўтган йили имзоланган “Спортинг“ билан 5 йиллик шартномада ёш футболчининг товон пули миқдори 59 миллион евро этиб белгиланган.
Аммо, коранавирус пандемияси туфайли юзага келган иқтисодий қийинчиликар сабаб клуб Томаш учун 22,8 миллион эвродан бошланган таклифларни кўриб чиқишга тайёр. “Канонирлар“ эса аллақачон ушбу трансфер бўйича Португалия клуби билан дастлабки музокараларни олиб бормоқда.
Қайд этиш жоиз, португалиялик футболчи, жорий мавсум, барча турнирларда “Спортинг“ сафида 25 ўйинда майдонга тушиб, 5 гол ва 3 голли узатма муаллифига айланган.
