Моуриньо “Манчестер Сити“га қарши баҳсдан сўнг, фикрлари билан ўртоқлашди. «Мен бу ўйин ҳақида нима дея оламан? Жуда чарчаган жамоага қарши тетик жамоа дуч келди.

Аммо, биз учрашувни жуда яхши бошладик ва маълум муддат назорат қилдик, Энг завқли вазиятда тўсинни мўлжалга олдик. Агар бу имкониятдан фойдалана олганимизда, 1:0 ҳисоби айни чарчаган пайтимизда бизга керакли ёқилғини бериши мумкин эди.

Аммо, кейин улар пенальти тепиш имкониятига эга бўлишди. Бу қарор, мен замонавий, ВАР тенденцияси деб атайдиган пенальтиларнинг бири ва бу бизни қийин аҳволга солиб қўйди. Мен футболчиларимнинг муносабатидан жуда мамнунман.

Таркибимизда бир неча кун олдин Англия кубогида 120 дақиқа тўп тепган футболчилар бор эди ва улар бугун ҳам бор кучлари билан ҳаракат қилишди. Улар ҳақида ёмон нарса дея олмайман. Замонавий қоидабузарликка кўра ҳатто, рақибингизга тирноқ билан тегинсангиз ҳам, бу пенальтига олиб келиши мумкин» - дейди Моуриньо