«Барселона» ҳужумчиси Лионель Месси Ла Лига 23-тури доирасида 13 февраль, шанба куни «Алавес»га қарши кечган баҳсда (5:1) майдонга тушди.

Бу аргентиналик футболчи учун Испания чемпионатида каталонлар сафидаги 505-ўйин бўлди. Месси бу борада рекордчи Хавига етиб олди.

«Барселона» сафида Ла Лигада энг кўп ўйин ўтказган футболчилар:

    Лионель Месси — 505 та ўйин;
    Хави — 505;
    Андрес Иньеста — 442;
    Серхио Бускетс — 399;
    Карлес Пуйоль — 392.

Месси 2004 йилдан буён «Барселона» асосий жамоасида тўп суриб келади. Жорий мавсум у Ла Лигада 20 та ўйин ўтказиб, 15 гол ва учта голли узатмага муаллиф бўлди.