“Ливерпуль“ сардори Жордан Хендерсон жамоанинг кийим алмаштириш хонасида бўлиб ўтган воқеалар ҳақидаги миш-мишларга изоҳ берди.

“Менимча, клавиатура қаршисида ўтириб олиб, мураббий ёки жамоадаги муҳит ҳақидаги миш-мишларни тўқиб чиқарадиган одамларнинг ҳаракатларига изоҳ беришимнинг ҳожати йўқ.

Энг кулгулиси, кийим алмаштириш ханасидаги Алисон Бекер ва Эндрю Робертсон ўртасида юз берган келишмовчилик ҳақидаги хабар. Ушбу миш-мишларнинг ҳеч бирида оз бўлсада ҳақиқат мавжуд эмас“,–деб ёзади Хендерсон ўзининг твиттер саҳифасида.

Сўнгги пайтларда “Ливерпуль“нинг ўйинида пасайиш кузатилмоқда. Бир қатор муваффақиятсизликлар ва жамоадаги айни вазият Юрген Клопп атрофида унинг “қизиллар“ устози лавозимидан кетиши билан боғлиқ кўплаб миш-мишларни юзага келтирмода.

Маълумот учун, “Ливерпуль“ 24 тур натижаларига кўра, 40 очко тўплаган ҳолда АПЛ турнир жадвалининг олтинчи поғонасини банд этиб турибди.