ЕЧЛнинг 1/8 финал босқичи доирасидаги иккинчи учрашув Венгриянинг Будапешт шаҳрида бўлиб ўтди. Унда “Ливерпуль“ “РБ Лейпциг“ жамоасига қарши майдонда саф тортди.
Коронавирус пандемияси билан боғлиқ вазият туфайли нейтрал, “Пушкаш Арена“да кечган баҳсда, англия жамоаси олмон клуби устидан 2:0 ҳисобида, ишончли тарзда зафар қучди. Деярли тенг курашлар остида ўтган биринчи бўлимда томонлар анча эҳтиёткор ўйин намойиш этишди ва дарвозаларга тўп киритилмади.
Аммо, иккинчи таймнинг дастлабки декасида Муҳаммад Салах ҳамда Садио Мане киритган голлар дарвозалар олдидаги голсиз сокинликни тарқатиб юборди. Ушбу ҳисоб ўйин сўнггигача сақланиб қолди ва “Ливерпуль“ ўзига бўлган ишончни қайта тиклаган ҳолда, “буқалар“ билан дастлабки баҳсда ўз устунлигини таъминлади.
"РБ Лейпциг" Германия – "Ливерпуль" Англия 0:2 (0:0, 0:2) «Пушкаш Арена»
Голлар: 0:1 – 53 Салах, 0:2 – 58 Мане.
"РБ Лейпциг" – Гулачи, Мукиеле (Орбан, 64), Клостерманн, Анхелиньо, Упамекано, Нкунку, Кампль (Хван Хи Чхан, 73), Ольмо, Айдара (Поульсен, 64), Адамс, Забитцер.
"Ливерпуль" – Алиссон, Робертсон, Кабак, Александер-Арнолд, Хендерсон, Вейналдум, Джонс, Мане, Тиаго Алькантара (Окслейд-Чемберлен, 72), Салах (Уильямс, 90), Фирмино (Шакири, 72).
Огоҳлантиришлар:
Айдара (5), Мукиеле (6), Нкунку (52), Анхелиньо (65), Кабак (68), Ольмо (76), Хендерсон (81).
