Осиё футбол конфедерацияси 2022 йилда Қатарда ўтадиган Жаҳон чемпионати учун 2-саралаш босқичи доирасидаги март ойига белгиланган ўйинларни июнь ойига кўчириш ҳақида қарор қабул қилди. Бунга қитъада коронавирус пандемияси билан боғлиқ вазият сабаб бўлмоқда.

Бундан ташқари, саралаш босқичининг сўнгги тур ўйинлари марказлашган ҳолда ўтказилиши режалаштирилмоқда. Марказлашган мусобақага мезбонлик қилиш учун эса Ўзбекистон, Саудия Арабистони, Қатар ва Австралия мамлакатлари ариза беришган.

Ўзбекистон терма жамоаси ўрин олган "D" гуруҳи ўйинлари эса Саудия ўтказилиши мумкин. Тақвимга кўра, саудияликлар қолган 4та учрашувнинг 3тасини ўз майдонларида ўтказишлари керак эди. Ўзбекистон эса қолган 3та баҳснинг биттасини ўз уйида ўтказиши лозим.

Марказлашган ҳолда ўтадиган қолган ўйинлар тақвими эса қуйидагича бўлмоқда:

"D" гуруҳи

3 июнь
Фаластин - Сингапур
Саудия Арабистони - Яман

7 июнь
Яман - Ўзбекистон
Сингапур - Саудия Арабистони

11 июнь
Саудия Арабистони - Фаластин
Ўзбекистон - Сингапур

15 июнь
Саудия Арабистони - Ўзбекистон
Фаластин - Яман