Мадриднинг "Реал" клуби жароҳатлардан жабр чекишда давом этмоқда. Бугунга кунга келиб "қаймоқранглилар"нинг лазаретида 9 нафар футболчи даволанмоқда.
Жароҳатлар сабабли, Ла Лига доирасида "Вальядолид" жамоасига қарши ўйинни Карим Бензема, Эден Азар, Альваро Одриосола, Серхио Рамос, Марсело, Дани Карвахаль, Федерико Вальверде, Родриго ва Эдер Милитаолар ўтазиб юборади.
Шу сабабли, "бланкослар" устози Зинедин Зидан "Кастилья"нинг бир қатор ёш футболчиларининг хизматидан фойдаланмоқчи.
Шанба куни бўладиган учрашувда 20 ёшли ҳимоячи Виктор Чуст, 19 ёшли ҳужумкор ярим ҳимоячи Серхио Аррибас, 19 ёшли чап қанот ҳимоячиси Мигель Гутьеррес, 20 ёшли таянч ярим ҳимоячиси Антонио Бланко ва 21 ёшли ҳужумчи Уго Дуро иштирок этишлари мумкин.
