«Легия» клуби бугун Польша чемпионатининг 18-тури доирасида ўз уйида «Висла»ни қабул қилиб, йирик ҳисобда ғалаба қозонди.

Варшаваликлар дастлаб 3та гол уриб олишган бўлса, меҳмонлар танаффусга қадар 2та тўп киритишга муваффақ бўлишди. "Легия" иккинчи таймда рақиб дарвозасига яна икки марта йўл топди ва ҳисобни 5:2га етказди.

Ўзбекистонлик ҳужумчи Жасур Яхшибоев ўйин қайдномасига киритилган бўлса-да, у майдонга туширилмади. Маълумотларга қараганда, аввалроқ Жасур жамоа машғулотларида енгил жароҳат олгани ҳақида хабар тарқалган эди.

Бугунги ғалабадан сўнг "Легия" ўз очколарини 36тага етказиб, пешқадамга айланди. Чунки шу пайтгача пешқадам бўлиб турган "Погонь" кеча мағлубиятга учраган эди.

Польша чемпионати, 18-тур
«Легия» - «Висла» - 5:2 (3:2)
Голлар: Младенович (10-пен., 40), Капуста (16), Лукиньяс (49, 80) — Лагатор (43), Лесняк (45+2)