«Манчестер Сити» бош мураббийи Пеп Гвардиола АПЛ доирасида «Арсенал» билан ўйин олдидан жамоанинг ҳолати ҳақида гапирди.

"Агар биз ғалаба учун жиддий курашмасак, мағлуб бўлишимиз мумкин. Доим ғалаба қозониб, 3 очкони қўлга киритиш ўзимизга бўлган ишончимизни оширади. Ҳар қандай ҳолатда ҳам мен хотиржамликка берилмайман ва биз аллақачон ҳаммасини ҳал қилганмиз деб ҳисобламайман.

Бундан ҳам яхшироқ бўлиш учун имконият мавжуд ва биз бунга интилишимиз керак. Мен яхши ғалабали сериямиз (кетма-кет 17 ўйин) борлигини даъво қилмайман. Таъқибчиларимиздан олдиндадирмиз, аммо ҳисобимизда 56 очко бор холос.

Демакки, 10 очколик фарқ етарли эмас, бундай вазиятда сиз икки марта ютқазсангиз, улар сизни қувиб етишади. Айни пайтда ортиқча хотиржамликка берилмасдан олдиндаги ўйинлар ҳақида ўйлашимиз керак. Бу энг яхши ёндашув», - деди Гвардиола.