«Ливерпуль» жамоаси АПЛнинг 25 тури доирасида «Энфилд»да кечган «Эвертон»га қарши учрашувда имкониятни бой берди.

Ушбу кўрсатгич мерсисайдликларнинг 1923 йилдан буён уй ўйинларида учралган, кетма-кет тўртинчи мағлубияти сифатида қайд этилди. «Энфилд»даги сўнгги ғалаба эса ўтган йили, декабрь ойида «Тоттенҳем»га қарши 2:1 ўйинида қайд этилган эди.

Шу ўринда, Юрген Клопп жамоаси сўнгги 11 учрашувнинг олтитасида мағлубиятга учради. Рақиб «Эвертон» эса 1999 йил октябрь ойидан буён биринчи марта меҳмонда «Ливерпуль» устидан зафар қучди ва 2010 йилдан бери илк бор дербиларда «кўклар»нинг қўли баланд келди.

Айни пайтда, Юрген Клопп жамоаси 40 очко билан олтинчи ўринда бормоқда. Худди шунча жамғарган Карло Анчелотти бошчилигидаги жамоа заҳирадаги битта ўйини билан еттинчи поғонадан жой олган.