Италия чемпионатининг 23-тури доирасида «Аталанта» ўз майдонида «Наполи»ни қабул қилиб, голларга бой учрашувда ғалаба қозонди. Биринчи бўлим хавфли вазиятлардан ҳоли ва бир мунча сокин ўтган бўлсада, иккинчи таймда дарвозалар кетма кет голларни қабул қила бошлади.

"Аталанта" киритган 4 голга "Наполи" рақиб дарвозасига йулланган битта тўп билан жавоб қайтара олди ҳолос. Яна бир гол эса, мезбонлар футболчиси томонидан ўзи дарвозасига автогол сифатида киритилди. Якуний ҳисоб 4:2 ва "Аталанта" яна турнир жадвалидаги ўрнини яхшилади.

Бергамо клуби очколари сонини 43тага етказиб, тўртинчи ўриндан жой олди. 40 очко жамғарган «Наполи» эса еттинчи поғонани банд этган.

"Аталанта" – "Наполи" 4:2 (0:0, 4:2) «Адзурри д′Италия»

Голлар:
1:0 – 52 Сапата, 1:1 – 58 Зелиньски, 2:1 – 64 Гозенс, 3:1 – 71 Муриэль, 3:2 – 75, автогол Гозенс, 4:2 – 79 Ромеро.

"Аталанта" – Голлини, Толои, Ромеро, Гимшити, Мэле (Шутало, 90), де Рон, Фройлер (Пашалич, 78), Гозенс, Пессина (Паломино, 84), Сапата (Малиновский, 90), Муриэль (Миранчук, 84).

"Наполи" – Мерет, Ди Лоренцо, Ррахмани, Максимович (Кулибали, 78), Мариу Руй (Гулям, 78), Фабиан Руис, Бакайоко, Политано, Зелиньски (Лоботка, 84), Элмаз (Инсинье, 53), Осимхен.

Огоҳлантиришлар:
Ди Лоренцо (6), Гимшити (55), Гозенс (87).