«Ювентус» ҳужумчи Альваро Моратани келаси мавсумда ҳам жамоада олиб қолишни режалаштирмоқда.
Ўтган йилнинг сентябр ойида Турин клуби испанияликни «Атлетико»дан 10 миллион евро эвазига, бир йилга ижарага олган эди. Энди «бянконери» раҳбарияти худди шунча сумма билан ижарани яна бир мавсумга узайтириш тўғрисида«матрасчилар» билан келишиб олмоқчи.
Шунингдек, 2022 йил июнь ойида ҳужумчини 35 миллион еврога сотиб олиш масаласини ҳам кўриб чиқиш ниятида.
Қайд этиш жоиз, Мората ушбу мавсум А Серия доирасида «Ювентус» билан 17 учрашув ўтказиб, 4 голга муаллифлик қилган.
