Яқинда бўлиб ўтадиган «Барселона» президентлигига сайловлар олдидан номзодлардан бири Антони Фрейша мухлисларнинг кутилмаган трансфер борасидаги саволига жавоб берди.
«Бизда ғалати аксиома мавжуд. Бу ерда эҳтимолий трансферлар борасида гапиришга қандайдир таъқиқ қўйилган. Бу хато стратегия. Нега бўлмас экан, Ҳоланд ҳамда Мбаппенинг "Барса"га трансфери имконсиз иш эмас.
Ҳар бир клуб ўз футболчисига исталган пайтда нарх белгилаш ҳуқуқига эга. Бизда мавсум якунлангач жамоани тарк этадиган футболчилар кўп. Шундай экан, йирик трансферларни ҳозирдан пухта режа асосида шакллантириб бориш керак», - дейди Фрейша.
