Футбол тарихи ва статистикаси халқаро федерацияси (IFFHS) тарқатган хабарга кўра, "Ювентус" ҳужумчиси Криштиану Роналду томонидан Италия чемпионатининг 24-тури доирасида бўлиб ўтган "Верона"га қарши ўйинда урилган гол тарихий аҳамиятга эга бўлди.
Гап шундаки, IFFHS статистикаси кўра, португалиялик футболчининг профессионал фаолиятидаги голлар сони 766тага етган. Натижада Роналду жаҳон футбол тарихида мутлақ рекордчига айланди.
Ушбу кўрсаткич бўйича Криштиану Роналду бразилиялик футбол афсонаси Пеленинг рекордини янгилади. Пеле 1977 йилда футболчилик фаолиятини якунлаган бўлиб, расмий ўйинларда 765та гол урган.
IFFHS мазкур статистикани юритишди, миллий чемпионатларнинг юқори дивизионларида урилган голларни инобатга олган.
Шу тариқа, 45 йилу 243 кун ўзгармай турган рекорд Криштиану Роналду томонидан янгиланди.
Қуйида Пеле ва Роналду голлари статистикаси ўзаро таққосланган.
