Буюк Британия яқинлашиб келаётган Eвропа чемпионатининг барча ўйинларини ўтказишга тайёр. Буни шахсан бош вазир Борис Жонсон айтиб ўтган.
«Биз улар ўйнашни истаган ва бўлиб ўтиши керак бўлган ҳар бир учрашувни қабул қилишга тайёрмиз!»,- дея таъкидлаган мамлакат бош вазири. Шунингдек, Буюк Британия аҳолини коронавирусга қарши эмлашнинг тез суръати туфайли кўпроқ ўйин ўтказишга ҳам қодир.
Шу билан бирга, ушбу турнирни муваффақиятли ўтказиш британияликларнинг ЖЧ 2030ни ўзида ўтказиш ҳуқуқи учун курашишига ёрдам бериши мумкин.
Маълумот учун, Коронавирус пандемияси туфайли «Eвро-2020» 2021 йилга қолдирилган. Мусобақалар 12 шаҳарда - Санкт-Петербург, Лондон, Мюнхен, Боку, Рим, Бухарест, Копенгаген, Амстердам, Бильбао, Глазго, Будапешт ва Дублинда ўтказилиши керак.
