Бразилия терма жамоаси бош мураббийи Месси ва Роналдуни дунёнинг энг яхши уч нафар футболчиси қаторига киритмади.
«Мен Неймарни энг зўр деб биламан, Роберт Левандовскини иккинчи ўринга қўяман, Кевин де Брюйне эса учинчи ўринда. Неймар, жароҳатдан олдин жуда яхши ҳолатда эди.
Левандовски супер бомбардер. Де Брюйне эса майдонда бошқалар қила олмайдиган ишни амалга оширади», - дея Титенинг сўзларини келтирмоқда ФИФА матбуот хизмати.
Эслатиб ўтамиз, Тите 2016 йилдадан Бразилия терма жамоасида ишлаб келмоқда. «Селесао» унинг бошчилигида 52 учрашув ўтказган, ушбу ўйинларда 39 ғалаба қозонилган 9 марта дуранг ва 4 бора мағлубият қайд этилган.
