"Ливерпуль" ҳимоячиси Робертсон АПЛнинг 29-турида "Челси"дан учралган мағлубиятдан сўнг ўз фикрларини билдириб ўтди.
"Ғалабасиз ўтказилган 5та уй ўйинларини қабул қилиш қийин. 0:1 ҳисобидаги мағлубият дилмизни хира қилди. Биз ўтмишга таяна олмаймиз. Ўтган мавсум якунланди, тамом. Биз ҳозир яхши ҳолатда эмасмиз ва қулашда давом этмоқдамиз. Тобора кам ўйинлар қолмоқда, энди биз қуйи ўринларда бораётган жамоаларга босим ўтказишимиз керак. Одамлар бизни инқирозга учраган деб ўйлашмоқда ва биз бундай эмаслигини исботлаш учун натижаларга эришишимиз керак. Ҳозир биз буни қила олмаяпмиз", - деди Робертсон.
Маълумот учун "Ливерпуль" АПЛ турнир жадвалида 27 ўйиндан сўнг 7-ўринни банд этиб турибди.
