"Пахтакор" вакиллари иштирокида Ўзбекистон Суперкубогидан олдин матбуот анжумани бошланди

Хюистра: - Жамоамиз ушбу кубокни ҳали қўлга киритмаган. Биз эртага ушбу бўшлиқни тўлдиришни истаймиз. Мақсадимиз ғалаба қозониб, совринларимиз сонини ошириш.

Рашидов: - Самарқандга Суперкубокни ютиш учун келдик. Ўзим ҳам биринчи марта унда иштирок этаман.

Кримец: - Янги мавсумни ижобий ҳиссиётлар билан бошлашни хоҳлаймиз. Мухлислар биздан соврин кутишмоқда. Буни амалга оширишни истаймиз.

Рашидов: - "Пахтакор" ўтган йили Чемпионлар Лигасида ажойиб ўйин кўрсатди. Энди жамоа учун бор кучим билан ўйнаб, муваффақиятларга эришишга умид қиламан. Мавсумда бизни ички ва халқаро мусобақалар кутмоқда.

Хюистра: - Ўйинчилар кетиши ва келиши одатий ҳол. Бунга тайёр туриш керак. Ҳамробеков яхши савиядаги футболчи, лекин таркибимизда яхши савияли футболчилар етарли. Суперкубок мавсумга қай даражада ҳозирлигимизни кўрсатади.

Хюистра: - Рақибда ҳам бир неча ўзгаришлар рўй берди. Мавсумга тайёргарлик жараёнида бир неча ўйинларини кўрдим. Таркиб ўзагини сақлаб қолишди. Ўйин услуби ўзгармаган. Улар жиддий қаршилик кўрсатиб, жипс футбол намойиш этишади.

Рашидов: - Жамоам учун ёрдам беришга уринаман. Рақиб мухлислари сизга гапириши ёки танқид қилиши мумкин, аммо мен клубим учун меҳнат қиламан. Жамоам ишқибозлари мендан яхши ҳаракатлар кутишади.

Кримец: - Ҳимояда кўп йиллар ўйнаганда ҳужумчилар жуссасига қараб ўйнаш тажрибасига эга бўласиз. Ҳар бир рақиб услубини ўрганиб чиқиб, шунга яраша чора кўрамиз.

Хюистра: - Ўйинчилар ҳар хил бўлади. Вазифам улар орасида боғламни тезроқ шакллантириш ва яхши ўйин кўрсатишга уриниш. Бу ўзига хос бошқотирма, ундан чиқиб кетишга интиламиз.