"Манчестер Сити" бош мураббийи Хосеп Гвардиола "Фулхэм" устидан қозонилган ғалаба (3:0) дан сўнг, фикр билдирди.

«Жисмоний жиҳатдан ривожланган ва яхши ғояларга эга жамоага қарши ажойиб ўйин бўлди. Бу биз учун муҳим ғалаба эди. Чемпионат тугашига саккизта ўйин қолди ва биз ғалабага яқин турибмиз. Мавсумнинг динамикаси яхши.

Биз учун ҳаммаси яхши кетяпти. Энди бизни Чемпионлар Лигаси ва Англия кубогида иккита муҳим учрашув кутиб турибди. Агуэро учун гол уриш муҳим эди. Шу жумладан Габриэл Жезус учун ҳам. Ғалабалар кейинги ўйинлар учун ишонч ва иштиёқ беради.

Олдиндаги ўйинда бошқа вариант йўқ. Биз қўлимиздан келганича ҳаракат қиламиз ва кейинги босқичга чиқиш учун муваффақият қозонишга интиламиз», - дейди испаниялик мутахассис.

Маълумот учун, бугунгача "Манчестер Сити" 71 очко тўплаб, АПЛ турнир жадвалининг пешқадами бўлиб турибди. Энг яқин таъқибчи билан орадаги тафовут эса 17 очкога тенг.