"Manchester Siti" bosh murabbiyi Xosep Gvardiola "Fulxem" ustidan qozonilgan g‘alaba (3:0) dan so‘ng, fikr bildirdi.

«Jismoniy jihatdan rivojlangan va yaxshi g‘oyalarga ega jamoaga qarshi ajoyib o‘yin bo‘ldi. Bu biz uchun muhim g‘alaba edi. Chempionat tugashiga sakkizta o‘yin qoldi va biz g‘alabaga yaqin turibmiz. Mavsumning dinamikasi yaxshi.

Biz uchun hammasi yaxshi ketyapti. Endi bizni Chempionlar Ligasi va Angliya kubogida ikkita muhim uchrashuv kutib turibdi. Aguero uchun gol urish muhim edi. Shu jumladan Gabriel Jezus uchun ham. G‘alabalar keyingi o‘yinlar uchun ishonch va ishtiyoq beradi.

Oldindagi o‘yinda boshqa variant yo‘q. Biz qo‘limizdan kelganicha harakat qilamiz va keyingi bosqichga chiqish uchun muvaffaqiyat qozonishga intilamiz», - deydi ispaniyalik mutaxassis.

Ma’lumot uchun, bugungacha "Manchester Siti" 71 ochko to‘plab, APL turnir jadvalining peshqadami bo‘lib turibdi. Eng yaqin ta’qibchi bilan oradagi tafovut esa 17 ochkoga teng.