Англия кубоги финалига 20 минг мухлис киритилиши мумкин.
Рақамли технологиялар, оммавий ахборот воситалари ҳамда маданият ва спорт ишлари бўлими (DCMS) ушбу баҳорда ўнга яқин спорт ва маданий тадбирларни ўтказишни режалаштирмоқда.
Ҳукумат маълум чекловдан кейин кўплаб томошабинларни стадионларга қайтариш механизмини синаб кўрмоқчи. Тадбирда қатнашишдан олдин ва кейин одамлар коронавирус синовларидан ўтишлари керак.
Айни пайтда 15 май куни бўлиб ўтадиган Англия кубоги финалини 20 минг мухлис билан ўтказиш имконияти ўрганиб чиқилмоқда. Агар ушбу эксперимент ижобий натижа берса, стадионларга 10 минг томошабин учун рухсат берилиши кўзда тутилган.
