Италия кубоги нимчорак финал учрашувларининг олтинчисида "Наполи" "Чезена"ни қабул қилди ва учрашувда 2:1 ҳисоби қайд этилди.

Гарчи меҳмонлар яримҳимоячиси руминиялик Штефан Попеску 20-дақиқада ҳисобни очган бўлса-да, "адзурри"лардан Эдинсон Кавани 65-дақиқада жавоб тўпини киритди.

Иккинчи бўлимдан бошлаб Эдуардо Варгас ўрнида майдонда ҳаракат қилган Горан македониялик Пандев ўйин асосий вақти тугашига 4 дақиқа қолганда ғалаба тўпини киритди ва мезбонларни чорак финалга олиб чиқди.

Нимчорак финалнинг яна иккита учрашуви ҳали ўтказилмаган:
19.01. 01:00. "Милан" – "Новара"
20.01. 01:00."Интер" – "Женоа"

25 январь куни бўлиб ўтадиган чорак финал учрашувлари жуфтликлари ҳам маълум:

"Ювентус" – "Рома"
"Лацио" – "Милан"/"Новара"
"Сиена" – "Кьево"
"Интер"/"Женоа" – "Наполи"