Украинанинг "Рух" клуби ҳужумчиси Бобур Абдухолиқов якшанба куни ўз жамоаси сафида дебют қилди. "Подолье" клуби қарши бўлиб ўтган ўртоқлик ўйинида ўзбекистонлик футболчи иккинчи тайм бошида майдонга туширилди. Бобур дебют ўйини борасида ўз фикрини билдириб ўтди.

"Якшанба кунги баҳс Киевнинг "Динамо" клубига қарши бўладиган ўйин учун тайёргарлик вазифасини ўтади. Биз ғалаба қозондик, аммо хатоларга ҳам йўл қўйдик. Кейинги учрашувларда уларни тўғрилаймиз. Асосий жамоада ўйнаш имкониятига эга бўлганимдан хурсандман. Ҳаттоки бу ўртоқлик учрашуви бўлса ҳам. Мураббий ишонч билдираётгани мен учун муҳим аҳамиятга эга. Бу мени кўпроқ руҳлантиради. Оптимал формага киришга ва жамоага ёрдам беришга ҳаракат қиламан.

Аста-секин жамоадошларим билан алоқани йўлга қўйяпман, аммо яна бироз вақт керак. Юртдошларим менинг расмий ўйиндаги дебютимни кутишаётганидан хабарим бор. Уларнинг ишончини оқлашга ҳаракат қиламан. "Рух"да яхши ўйинчилар йиғилган. Бугунги баҳсда Кухаревич ва Кондраков гол уришди. Ҳужум чизиғидаги юқори рақобат футболчининг фойдасига хизмат қилади. Жумладан, бу ҳолат менинг ўсишимга ҳам ёрдам беради", — деди Абдухолиқов клуб матбуот хизматига берган интервьюсида.