16 январь куни Маҳачқалъанинг "Анжи" клуби Лондон-2012 олимпиядаси саралаш турнирида Ўзбекистон билан бир гуруҳдан жой олган Ироқ олимпия терма жамоасига қарши ўртоқлик ўйинида майдонга тушади. Клубнинг БАА ташрифи маҳаллий журналистларда катта қизиқиш уйғотганини Это‘О иштирок этган матбуот анжуманига 60 га яқин журналист ташриф буюрганидан ҳам билиш қийин эмас.
"Мен Амирликларга ташриф буюришни жуда яхши кўраман. Хаттоки сўнгги ҳордиқни ҳам айнан БААда чиқардим. Бу ерда машғулот учун барча шароитлар бор. Муҳими об-ҳаво жуда яхши. Билишимча Ироқда спорт ривожига катта эътибор қаратилмоқда. Лекин мамлакат синовли кунларни ҳам бошдан кечирмоқда. Футбол сиёсатдан ташқари бўлиши керак ва бу жуда муҳим".
Маҳаллий журналистларга камерунлик ҳужумчининг БАА мамлакати ҳақидаги илиқ фикрлари айниқса ёқиб тушди ва улар Это‘Онинг нима сабабдан ўйнаш учун Амирликларни танламагани билан ҳам қизиқиб кўришди.
"(Кулади). Мени "Анжи" клуби билан шартномам бор. Таҳминан 35-36 ёшимга қадар футбол ўйнамоқчиман. Агар ғайриоддий ҳеч нарса юз бермаса фаолиятимни айнан "Анжи" сафида якунлайман!"
