БАА Про-Лигасининг 21-туридан ўрин олган бир қатор учрашувлар 15 март, душанба куни бўлиб ўтди.
«Шабоб ал-Алҳи» жамоаси ўз майдонида «Шаржа»ни қабул қилди. Учрашув мезбонларнинг минимал ҳисобдаги ғалабаси билан якунланди. 28-дақиқада Карлос Эдуардо пенальтини муваффақиятли амалга оширди ва жамоасининг ғалабасини таъминлади.
Мазкур учрашувда «Шаржа» таркибида тўп тепадиган Отабек Шукуров тўлиқ 90 дақиқа ҳаракат қилди. «Шабоб ал-Аҳли» сафида Жалолиддин Машарипов ҳам тўлиқ ўйин ўтказган бўлса, Одил Ҳамробеков 85-дақиқада захирадан ўйинга қўшилди.
Мазкур ғалабадан кейин «Шабоб»нинг очколари сони 37 тага етиб, 4-ўринга кўтарилди. «Шаржа» (40) 3-поғонада бормоқда.
«Ҳатта» эса меҳмонда «Хор Факкан»га имкониятни бой бериб қўйди. Учрашув тақдирини ҳал қилган ягона гол 86-дақиқада Рамон Лопес томонидан киритилди. «Ҳатта» ярим ҳимоячиси Достон Ҳамдамов 90+3-дақиқада захирага олинди.
«Ҳатта» 21-турдан кейин 8 очко билан мусобақа жадвалида сўнгги, 14-поғонада бормоқда.
БАА Про-Лигаси, 21-тур баҳслари
15 март, душанба
«Шабоб ал-Аҳли» — «Шаржа» 1:0
Гол: 1:0 – 28 Карлос Эдуардо.
«Хор Факкан» — «Ҳатта» 1:0
Гол: 1:0 – 86 Рамон Лопес.
