Ўзбекистон футзал терма жамоаси халқаро мусобақада иштирок этиш учун Озарбойжон пойтахти – Боку шаҳрига учиб кетди.
Хосе Мирия Мендез мусобақага 15 нафар ўйинчини олиб кетди. Жамоа таркибида Рустам Умаров, Николай Кравченко, Нодир Элибоев, Дилшод Ирсалиев, Жамолиддин Шарипов, Шуҳрат Тожибоев, Хуршид Тожибоев, Константин Свиридов, Фарҳод Абдумавлонов, Дилшод Раҳматов, Мақсуд Файзуллаев, Артур Юнусов, Умид Холматов, Олег Холмуҳаммедов, Фахриддин Самигов каби ўйинчилар бор.
Бокудаги мусобақада 4 терма жамоа иштирок этади. Мендез шогирдлари биринчи ўйинни эртага Озарбойжон терма жамоасига қарши ўтказишса, якшанба куни футзалчиларимизга Туркия рақиблик қилади. Душанба куни эса вакилларимиз Украина футзал терма жамоасига қарши баҳс билан мусобақани якунлашади.
ОЗАРБОЙЖОНДАГИ ХАЛҚАРО МУСОБАҚА ТАҚВИМИ:
14 январь, шанба
17:00. Украина – Туркия
19:15. Озарбойжон – Ўзбекистон
15 январь, якшанба
17:00. Туркия – Ўзбекистон
19:15. Озарбойжон – Украина
16 январь, душанба
17:00. Ўзбекистон – Украина
19:15. Туркия – Озарбойжон
