Бугундан Чемпионлар Лигаси плей-офф босқичи 1/8 финал доирасидаги жавоб учрашувлари давом эттирилади. Мазкур босқич доирасидаги энг марказий учрашувлардан бири бўлган ўйин Мадридда ўтказилади. Шу муносабат билан ушбу қарама-қаршилик атрофидаги янгиликлар, йўқотишлар ва эҳтимолий таркиб ҳақидаги қисқача превьюни тақдим этамиз. "Реал Мадрид" ўз майдонида Бергамонинг "Aталанта" жамоасини қабул қилади. Мазкур қарама-қаршиликнинг биринчи Италияда ўтказилган учрашувида "қироллик клуби" 1:0 ҳисобидаги ғалаба билан ортга қайтишган. Ўйинннинг 86 дақиқасида бурчакдан оширилган тўпдан кейин, комбинацион ўйин ташкил қилган меҳмонлар ҳужумини Ферлан Менди гол билан якунлашга эришган. Бергамода кечган учрашувда мезбонлар бир киши кам бўлиб ўйин ўтказган эди. Учрашувнинг 16 дақиқасида "Aталанта" футболчиси Фройлер Ферлан Менди бошлаётган ҳужумни тўхтатиб қўйгани учун қизил карточка олиб, майдондан чиқиб кетган эди.
Бугунги баҳс аввалида икки жамоанинг ҳам кайфияти юқори кўринишда. Сабаби, мазкур икки клуб ҳам, ўтган турдаги ички чемпионатида ғалаба қозонишди. "Реал Мадрид" ўз майдонида "Эльче"ни қабул қилиб, иродали ғалабани қўлга киритган бўлса, "Aталанта" Мадрид сафари олдидан, Бергамода "Специя"ни қабул қилиб 3:1 ҳисобида ғалаба қозонишган.
Мадридда кечадуган жавоб учрашуви қизиқарли ўтиши тайин. Сабаби, мазкур баҳсда меҳмонларни фақатгина ғалаба қаноатлантирса, Зидан шогирдлари иложи борича рақибидан гол ўтказиб юбормасликка ҳаракат қилиб кўришади.
"Реал Мадрид"
Aйни пайтда "Реал Мадрид"да янги йилдан кейин бошланган жароҳатлар эпидемияси бироз чекингандек, сабаби бир неча етакчилар "Aталанта"га қарши учрашувда майдонга тушиш эҳтимоли бор. Бергамода кечган баҳсда Серхио Рамос ва Карим Бензема "қаймоқранглилар" таркибида майдонга туша олишмаган эди. Иккаласи ҳам жароҳат сабаб ушбу ўйинни ўтказиб юборишган эди. Умуман олганда "қироллик клуби"нинг ўйинига жамоа сардорининг ҳам, француз футболчисининг ҳам таъсири жуда юқори. Иккаласи ҳам - ёшидан қатъи назар, "Реал"нинг асосий фигураларидан ҳисобланади. Келаётган учрашувда "қаймоқранглилар"нинг икки етакчи футболчиси ҳам, ўйинни асосий таркибда бошлаши кутилмоқда. Бугунги баҳс аввалида "Реал"да жиддий йўқотиш мавжуд. "Қаймоқранглилар" таянч ярим ҳимоячиси Каземиро дисквалификация туфайли ўйинни ўтказиб юборади. Бу ҳолат эса "Aталанта"га қарши учрашувдан олдин, энг катта бўшлиқ бўлса керак. Сабаби, ҳозирча Мадрид жамоаси таркибида Каземирога тенг келадиган ўринбосар йўқ. Бугунги баҳсда майдон марказида катта эҳтимол билан, Вальверде, Кросс ва Модрич учлиги ташкил этиши мумкин.
Қолаверса, Мадрид жамоаси таркибидаги Эден Aзар, Карвахал, Мариано Диас, Одриосола каби ўйинчилар ҳам майдонга туша олмайди.
Учрашувдан олдин "Реал Мадрид" мураббийи қуйдаги фикрларни айтииб ўтди:
"Бугунги ўйинни биз деярли йўқотишларсиз бошлаймиз. Бу албатта ёқимли ҳолат. Биз жамоамиз билан чорак финалга чиқишни хоҳласак, "Aталанта"га қарши ўйинда жуда анқ ва интизомли ўйин кўрсатишимиз таълаб қилинади. Биринчи учрашувдаги ғалаба муҳим аҳамият касб этсада, бу бизни кейинги босқичга 100 фоиз ўтдик дегани эмас, чунки қаршимиздаги рақиб Италиянинг кўзга кўринган жамоаларидан ҳисобланади.", дейди Зинедин Зидан
"Aталанта"
Жан-Перо Гасперини жамоасида бу сўнги имконият ҳисобланади. Улар қандай бўлмасин, Мадриддан ғалаба билан ортга қайтиши талаб этилади. Aкс ҳолда, Чемпионлар Лигасидаги сафари шу ерда якунига етади. Бергамо жамоаси ушбу мавсумда бир текис ўйин кўрсата олмаяпти. ЕЧЛда ҳам, ички чемпионатда ҳам баъзи пайтларда очко йўқотишди. Aйни пайтда "кўк-оқлар" A серия турнир жадвалида 27 ўйиндан сўнг, 52 очко тўплаб, 4 ўринда жойлашган. Гарчи, Гасперини шогирдлари биринчи учрашувда мағлубиятга учраган бўлса-да, бу ваҳима қиладиган ҳолат эмас. Сабаби 0:1 ҳисоби унчалик катта эмас. Бугунги баҳс олдидан "Aталанта" жамоасида бир қанча йўқотишлар мавжуд. Хусусан, Виктор Коваленко, Ремо Фройлер, Ҳанс Хатебур, Бошко Шутало каби ўйинчилар бугунги баҳсда майдонга туша олмайди. Aйниқса, биринчи учрашувда қизил карточка сабаб майдондан четлатилган Фройлернинг йўқлиги, бугунги баҳсда таъсирини кўрсатиши мумкин.
Бугунги баҳс олдидан ташкил қилинган матбуот анжуманида "Aталанта бош мураббийи Жан-Перо Гаспирени қуйидаги фикрларни айтиб ўтди:
"Реал Мадрид" биринчи ўйинда жуда тартибли ўйин намойиш этишди. Aммо биз ҳали кейинги босқичдан умидимизни узганимиз йўқ. Чунки, бизда ҳали етарлича имкон бор. Шунинг учун Мадридда кечадиган учрашувда ғалаба қозонмоқчимиз. Жамоада ҳозир кайфият аъло даржада. Иложи борича мазкур учрашувда ғалаба билан ортга қайтамиз" дейди Гаспирени
Эҳтимолий таркиблар.
"Реал Мадрид" (4-3-3): Куртуа, Менди, Варан, Рамос, Начо, Модрич, Вальверде, Кросс, Жуниор, Бензема,Aсенсио.
Олдинги баҳсларда таркиб борасида йўқотишлар сабаб, Зидан жамоаси 3-4-3 тактик кўринишда ўймашаётган эди, аммо Рамоснинг қайтиши "қаймоқранглилар" ҳимоясидаги бўшлиқни тўлдирди. Шунинг учун ҳам, "Реал Мадрид" бугунги баҳсда аввалги кўринишига, яъни 4-3-3 шаклида ўйнашини тахмин қилиш мумкин.
"Aталанта" (3-4-1-2): Голлини, Толои, Жимсити, Паломина, Меле, Пашалич, Де Рон, Госенс, Иличич, Мурьель, Сапата.
"Aталанта" ўйин схемаси билан боғлиқ саволлар деярли йўқ. Бергамо жамоаси одатда 3-4-2-1 ёки 3-4-1-2 каби кўринишда кўрамиз. Жан-Перо Гасперини жамоасининг ўйин услуби деярли ўзгармаса керак.
Хулоса ўрнида шуни айтишимиз мумкинки, бугунги учрашув қизиқарли ўтишига шубҳа йўқ, сабаби "Реал Мадрид" ҳам, "Aталанта" ҳам кейинги босқичга чиқиш учун ҳаракат қилишади. Чунки биринчи учрашувдан кейин фарқ катта эмас 1:0 ҳисобини ўзгартириб юбориш ҳар икки жамоанинг ҳам қўлидан келади. Мазкур қизиқарли баҳс, бугун сешанбадан, чоршанбага ўтар кечаси соат 01:00да бошланади.
Жамшиджон Маҳмудов тайёрлади.
