Австралия "А" Лигасининг 16-туридан ўин олган "Мельбурн Виктор" – "Аделаида Юнайтед" ўйини 1:1 ҳисобида якунланди.
"Аделаида" ўтган, 15-турда "Брисбэн Роар"ни қабул қилиб ҳам 1:1 ҳисобида дуранг ўйнаган эди. Бугунги ўйинда мезбонлардан Арчи Томпсон 6-дақиқада ҳисобни очган бўлса, аделаидаликлардан Сержиньо ван Дийк 53-дақиқада жавоб тўпини киритди.
Ушбу дурангдан сўнг ҳар икки жамоа 19 очкодан жамғарган ҳолда турнир жадвалининг финал серияси плей-оффига рухсат бериладиган кучли саккизлик зонасида кетишмоқда.
Эслатиб ўтамиз, "Аделаида Юнайтед" ОЧЛ Шарқий зонасида "Бунёдкор" билан "Е" гуруҳидан ўрин олган.
