"Барселона" "Спортинг"нинг 18 ёшли чап қанот ҳимоячиси Нуно Мендес билан келишувга эришмоқчи.
Бу борада Каталония клуби "Манчестер Сити" билан кураш олиб боради. Инглиз клуби эса Мендес билан узоқ муддатли шартнома имзолаган ҳолда уни "Спортинг"га ижарага бермоқчи.
Шунингдек, "Реал", "Ливерпуль", "Ювентус", "ПСЖ" ва "Манчестер Юнайтед" клублари ҳам Мендеснинг ўсиб боришини диққат билан кузатиб боришмоқда.
Мендес бундан аввал ўз фаолияти давомида биринчи марта Португалия терма жамоасига чақирув олган. Ҳимоячи 2020 йил январьида "Спортинг" билан шартномасини 25 миллион евролик товон пули билан 2025 йилгача узайтирган.
Маълумот учун, ушбу мавсумда футболчи Португалия чемпионатида 19 учрашув ўтказиб, 1 гол урди ва иккита голга узатма амалга оширди.
