«Реал» ҳужумчиси Винисиус Жуниор «Ювентус» ҳужумчиси Криштиану Роналдунинг Мадрид клубига қайтиши мумкинлиги ҳақидаги маълумотларга изоҳ берди.
“Криштиану – бу «Реал» афсонаси. У ушбу жамоа билан кўплаб ютуқларга эришди. Мен бу ҳақда кўп гапира олмайман, чунки вазият шуни тақозо қилади. Лекин «Реал» да уни доим илиқ қарши олишади”, - дея Винисиуснинг сўзларини келтиради ЭСПН.
Маълумот учун, Роналду 2009 йилдан 2018 йилгача “Реал Мадрид” шарафини ҳимоя қилган. У “қаймоқранглилар” билан 15 та совринни қўлга киритди, шу жумладан иккита Испания чемпиони унвони, иккита лига кубоги ва иккита мамлакат кубоги, тўртта Чемпионлар Лигаси кубоги, иккита УЕФА суперкубоги ва клублар ўртасидаги жаҳон чемпионатининг учта совринини. “Қироллик клуби” футболчиси сифатида Криштиану тўртта “Олтин тўп” ни қўлга киритди.
Эслатиб ўтамиз, Роналдунинг “Ювентус" билан амалдаги шартномаси 2022 йил ёзигача мўлжалланган. Жорий мавсумда 36 ёшли ҳужумчи Италия А Сериясида 23 ўйин ўтказиб, 23 гол урди ва иккита голли узатмани амалга оширди.
