"Барселона" клубининг янги президенти Жоан Лапорта клуб етакчиси Лионел Мессига бутун умрлик шартнома таклиф қилмоқда. Аргентиналик фаолиятини якунлагандан сўнг ҳам мураббийлар штаби ёки бошқа бир лавозимни эгаллаши мумкин.
Бундан ташқари, Лапорта Мессидан жамоадаги молиявий ҳолатини тўғри тушунган ҳолда, моашини 30 фоизга камайтиришини сўрамоқда. Клуб президентиниг фикрига кўра, клуб сардорининг бу ҳаракати қолган футболчиларга ҳам ўрнак бўлиши ва улар ҳам янги шартномаларда маошини камайтириши мумкин.
Эслатиб ўтамиз, 33 ёшли футболчининг амалдаги шартномаси шу йилнинг ёзида ўз якунига етади.
