Италия А Сериясининг 28-турида «Женоа» 19 март, жума куни «Парма» майдонига сафар қилди.

Беллашув майдон эгаларининг тезкор голи билан бошланди. 16-дақиқада Грациано Пелле «Женоа» дарвозасини ишғол этиб, жамоасини ҳисобда олдинга олиб чиқди. Биринчи бўлимда дарвозаларга бошқа тўп киритилмади.

Иккинчи бўлимнинг 50-дақиқасига келиб, Элдор Шомуродовнинг ўрнига майдонга тушган Жанлука Скамакка Давиде Заппакостанинг узатмасини голга айлантириб, мувозанатни тиклади. 69-дақиқада эса Скамакканинг ўзи яна бир бор гол уриб, дублни расмийлаштирди.

Шу тариқа, «Женоа» Шомуродов 45 дақиқа ҳаракат қилган ўйинда иродали ғалабага эришди.

Ушбу ғалабадан кейин «Женоа» очколарини 31 тага етказиб, 13-поғонага кўтарилди. «Парма» эса (19) 19-ўриндан жой олган.

Италия А серияси, 28-тур баҳси
19 март, жума
«Парма» — «Женоа» 1:2
Голлар: 1:0 – 16 Пелле, 1:1 – 50 Скамакка, 1:2 – 69 Скамакка.
«Парма»: Сепе, Осорио, Конти, Пеццелла (Бюси, 79), Бани (Гальоло, 71), Куцка, Бругман (Эрнани, 79), Ман, Куртич (Зиркзее, 79), Карамо (Михэилэ, 64), Пелле.
«Женоа»: Перин, Заппакоста, Масьелло, Кришито, Чиборра (Пьяца, 46), Бадель, Радованович, Зайц (Ровелла 90), Стротман (Бираски, 68), Дестро (Беҳрами, 64), Шомуродов (Скамакка, 46).
Огоҳлантиришлар: Бани (19), Пеццелла (57), Пелле (71), Радованович (72), Бругман (78), Бираски (84), Куцка (90+5).