Франциянинг "Лион" ҳамда Бразилия терма жамоаси ҳимоячиси Мишель Бастос "Интер" ҳимоячиси Майконни "ПСЖ"га таклиф этгани ҳақидаги хабарни кескин равишда рад этди.
"Мен Майкон билан ҳам, "ПСЖ" билан ҳам гаплашмаганман. У билан сўнгги бора 6 ой олдин гаплашган бўлсам, қандай қилиб уни "ПСЖ"га таклиф қилишим мумкин? Бу журналистлар ўйлаб топган навбатдаги уйдирма. Умуман мен футболчиман. Футбочиларни бир жойдан бошқа бир жойга таклиф қилиб юрувчи агент эмасман. Бундай ишларга вақтим ҳам йўқ", - дейди "Лион" ҳимоячиси ўз микроблогида.
Бундан бир неча кун аввал "Интер"нинг бразилиялик ҳимоячиси Майконга франциянинг "ПСЖ" клуби қизиқиш билдиргани ва уни парижга терма жамоадаги шериги ва дўсти Мишель Бастос таклиф қаилгани ҳақидаги ҳабарлар тарқалганди.
Ўз навбатида, миланликлар билан 2013 йилнинг июнигача шартномаси бор бўлган Майкон ҳам бу миш-мишларни рад этган.
