Туриннинг «Ювентус» клуби собиқ устози Массимилиано Аллегри нима учун жамоани тарк этганига қисқа изоҳ келтириб ўтди.
"Мен бу ерда ажойиб 5 йилликни ўтказдим. Барчамиз аҳил оилага айланган эди. Бироқ, кейинчалик нима учундир менинг фикрим раҳбариятники билан икки хил жойдан чиқа бошлади. Ўз режаларининг амалга ошмаслиги эса табиийки ҳеч бир мураббийга ёқмайди.
Бир нарсани унутмаслик керак: клуб яхлит бир тузилмага айланиши учун ҳеч қачон бир футболчига боғланиб қолмаслиги керак. Аммо ҳозир жамоанинг ҳар бир аъзоси билан муносабатимиз яхши. Аньелли билан тез-тез кўришиб турамиз", - дейди Аллегри.
Эслатиб ўтамиз, "Ювентус" Аллегри қўл остида икки марта ЕЧЛ финалигача етиб борган.
