Бирлашган Араб Амирликларининг «Шабаб ал-Аҳли» клуби Осиё чемпионлар лигасининг гуруҳ босқичи учун ОФКга тақдим этилган футболчилар рўйхатини эълон қилди.

Жамоа ўзбекистонлик ярим ҳимоячи Жалолиддин Машариповни ушбу рўйхатга киритди, аммо Одилжон Ҳамробековни рўйхатдан ўтказмади. Шу боис, Ҳамробеков ОЧЛда иштирок эта олмайди.

Азизжон Ғаниев эса аввалроқ жароҳат олиб, операция қилинган эди. Шу сабабли, у "Шабаб"га ОЧЛда ёрдам бера олмайди.

Эслатиб ўтамиз, «Шабаб ал-Аҳли» Чемпионлар лигасининг гуруҳ босқичида "Ал-Ҳилол" (Саудия Арабистони), "Истиқлол" (Тожикистон) ҳамда "Ал-Ғарафа" / АГМК жуфтлиги ғолибига қарши майдонга чиқади. Гуруҳ босқичи ўйинлари Душанбе шаҳрида бўлиб ўтади.