«Женоа» клуби ва Ўзбекистон терма жамоаси ҳужумчиси Элдор Шомуродов нима учун генуяликлар клубига ўтишни танлагани ҳақида гапирди.

«Женоа»га ўтишимнинг биринчи сабаби — жамоа ҳужумчилар олди-сотдисида фаол ҳаракат қилиши. Иккинчи эса, ўйинчиларни кўп ушлаб қолмаслиги, яъни яхшироқ вариант чиқса улар ҳар доим сотишга тайёр. Бу ерда ўсишга эришиш мумкин.

Шунингдек, «Женоа» ва «Сампдория» ўртасидаги учрашув Италиядаги энг машҳур дербилардан бири, Генуяда футболга бўлган қизиқиш юқори даражада. Айнан шу учта жиҳат «Женоа»га ўтишимга асосий сабаб бўлди", — деди Шомуродов.

Шомуродов 2020 йилнинг ёзги трансфер ойнасида «Ростов»дан «Женоа» сафида бориб қўшилди. 25 ёшли футболчи А Серияда 21 ўйин ўтказиб, учта гол ва битта голли узатма муаллифига айланди.