Mundo Deportivo журналисти Францеск Агуиларнинг ёзишича, келаётган ёзда Каталониянинг "Барселона" жамоаси норвегиялик футболчи Эрлинг Ҳоланд билан шартнома имзоламоқчи, аммо клуб Лионель Месси билан шартнома узайтирилса, Каталония клуби 20 ёшли ҳужумчининг трансферидан воз кечиши мумкин.
"Барселона" Ҳоланднинг трансфери учун 125-130 миллион евро атрофида маблағ сарфламоқчи. Лекин, Леога тўланаётган ойлик маоши сабаб, бу пулни топиши қийин масалалиги айтилмоқда.
Қолаверса, норвегиялик футболчини қўлга киритган клуб нафақат "Боруссия"га, балки унинг агенти Мино Райола ҳамда отаси Альф-Инге Холандга ҳам пул тўлаши керак.
Олдинроқ "Боруссия" форварди "Барса" нинг янги президенти Жоан Лапортанинг асосий трансфер мақсади эканлиги ҳақида хабар берилган эди.
