"Реал" яримҳимоячиси Тони Кроос жароҳати сабабли Германиянинг ЖЧ-2022 саралаш учрашувларини ўтказиб юборади.
Германия футбол ассоциацияси (DFB) матбуот хизматининг хабар беришича, футболчи терма жамоа қароргоҳига адуктор мушаклари билан боғлиқ муаммоларни бошдан кечирган ҳолда етиб келган.
Ўтказилган текширувлардан сўнг, жароҳат жиддий эканлиги ҳамда Крооснинг Исландия, Руминия ва Шимолий Македония билан ўйнашига йўл қўйилмаслиги аниқланди.
Шу сабабдан Дюсселдорфга етиб келган 31 ёшли ярим ҳимоячи Испанияга қайтади.
Германия терма жамоаси бош мураббийи Йоахим Лёв вазиятга қуйидагича изоҳ берди: «Тиббий ходимларимиз Тонининг жароҳатини ўрганиб, интенсив даволашди.
У биз билан қолишни хоҳларди шу ўринда мен уни йўқотишни хоҳламайман, аммо Европа чемпионати ёзда бўлиб ўтишини ҳисобга олиб, Кроосни ушбу жароҳатдан тўлиқ тикланишини кутиш устувор йўл деб қарор қилдик.»
