Дортмунднинг "Боруссия" клуби ҳужумчиси Эрлинг Ҳоланд "Барселона"нинг асосий трансфер мақсади бўлиб қолмоқда.
Маrcа нашри норвегияликни сотиб олиш, Каталония клубининг янги президенти Жоан Лапортанинг устувор вазифаси эканлигини ёзмоқда. Ушбу келишувни амалга ошириш учун клуб тахминан 100 - 150 миллион евро атрофида сарфланиши керак деб ҳисобламоқда.
"Барселона" Антуан Гризманн, Усман Дембеле, Фелиппе Коутиньо, Самуэл Умтити, Мартин Брэйтвэйт ва Жуниор Фирпони Эрлингнинг трансфери учун нақд пулга сотишга тайёр.
Клубнинг янги раҳбарияти 20 ёшли ҳужумчининг ўтишини ташкил қилиш учун ҳар қандай йўлдан боришга тайёр.
Эслатиб ўтамиз, Ҳоланд ушбу мавсумда "Боруссия Дортмунд" таркибида барча мусобақаларда 29 учрашувда 31 гол ва 8 голли пас берди.
