Туркиянинг «Фенербахче» клуби бош мураббийи Эрол Булут истеъфога чиқарилди. Томонлар ўзаро келишган холда шартномани бекор қилишди.

Эндиликда жамоани клуб спорт директори лавозимида ишлаётган Эмре Белезоглу вақтинчалик бошқариб туради.

Туркия матбуотининг хабар беришича, «Ювентус», «Челси» ва «Наполи» клубларининг собиқ устози Маурицио Сарри «Фенербахче»ни қабул қилиб олиши мумкин экан.

Маълум бўлишича, Истанбул клуби президенти Али Коч Саррига расмий таклиф билан чиққан. Янги ҳафтада томонлар учрашиб, шартнома борасида музокара ўтказишади.

Олдинроқ, «Фенербахче» Германия терма жамоаси бош мураббийи Йоахим Лёв билан музокара олиб бориши мумкинлиги ҳақида хабарлар тарқаганди.