Италиялик ҳимоячи, 38 ёшли Фабио Каннаваро яна футболчилик фаолиятини давом эттирадиган бўлди.
У ўзининг твиттерида бу ҳақда шундай ёзди: "Ҳиндистон футбол клубларидан бири бўлган "Вест Бенгал"да тўп суриш учун майдонга қайтяпман".
Яқиндагина ташкил этилган Ҳиндистон Премьер-лигаси ғоясига кўра, у ерда олти нафар "таклиф этилган юлдузлар" ўйнаши керак.
Каннавародан ташқари Эрнан Креспо, Жей-Жей Окоча, Хуан Пабло Сорин, Робер Пирес ва Робби Фаулерлар фаолиятларини Ҳиндистонда давом эттиришлари маълум.
Мусобақа 25 феврал куни старт олиб, 7 ҳафтагина давом этади. Унда мамлакатнинг турли шаҳарларига тегишли бўлган олтита жамоа иштирок этади, дея хабар беради Football Italia.
Ҳар бир жамоа бештадан уй ва меҳмондаги ўйинларни ўтказиб бўлгач, юқори поғоналардаги тўрт жамоа плей-офф ўйинларида иштирок этишади.
